സ്വദേശാഭിമാനി രാമകൃഷ്ണപിള്ളയുടെ നാടുകടത്തലിന്റെ നൂറ്റിനാലാം വാര്‍ഷികത്തിന്റെ ഭാഗമായി, പയ്യന്നൂര്‍ ഗവ. ഗേള്‍സ്‌ ഹയര്‍ സെക്കന്ററി സ്കൂളില്‍ സ്വദേശാഭിമാനി രാമകൃഷ്ണപിള്ള അനുസ്മരണം നടത്തി. സ്വദേശാഭിമാനി രാമകൃഷ്ണപിള്ളയുടെ ജീവിതം ഒന്‍പതാം ക്ലാസ്സിലെ മലയാള പുസ്തകത്തിലെ പഠന വിഷയം കൂടി ആയതുകൊണ്ട് കുട്ടികള്‍ താത്പര്യത്തോടെ അനുസ്മരണ സമ്മേളനത്തിലും തുടര്‍ന്നുള്ള പരിപാടിയിലും പങ്കെടുത്തു.
എതിര്‍ദിശ പത്രാധിപര്‍ ശ്രീ പി. കെ സുരേഷ് കുമാര്‍ അനുസ്മരണ പ്രഭാഷണം നടത്തി. സ്വദേശാഭിമാനിയുടെ ജീവിതം നന്നേ പഠിപ്പിക്കുന്ന ധീരതയുടെ പാരമ്പര്യം അദ്ദേഹം വിദ്യാര്‍ത്ഥികളെ ഓര്‍മ്മിപ്പിച്ചു. ശ്രീ അജേഷ് കടന്നപ്പള്ളി സ്വാഗതം ആശംസിച്ചു.
സ്വദേശാഭിമാനി രാമകൃഷ്ണപിള്ളയുടെ ജീവിതത്തെ ആധാരമാക്കി സംവിധാനം ചെയ്ത ഡോക്യുമെന്ററി സിനിമ തുടര്‍ന്ന് പ്രദര്‍ശിപ്പിച്ചു.
